ଚଳନ୍ତା ଟ୍ରେନରେ ଯୁବକଙ୍କୁ ଷ୍ଟଣ୍ଟ ମାରିବା ପଡ଼ିଲା ମହଙ୍ଗା, ମଜା ମସ୍ତି ରେ ଜାଣିଶୁଣି ହାରିଦେଲେ ନିଜ ଜୀବନ, ଦେଖନ୍ତୁ Exclusive ଭିଡ଼ିଓ...
ଓଡ଼ିଆ ଗସିପ ବ୍ୟୁରୋ : ଅକାଳରେ ଜୀବନ ଯିବା କଥା ସମସ୍ତଙ୍କୁ ଆଶ୍ଚର୍ଯ୍ୟ ଲାଗିପାରେ ହେଲେ ଜାଣିଶୁଣି ନିଜ ଜୀବନ ନେବା ସମସ୍ତଙ୍କୁ ବିଚଳିତ କରିଛି । ଏଭଳି ଏକ ହୃଦୟ ବିଦାରକ ଘଟଣା ଦେଖିବାକୁ ମିଳିଛି ଲୁଧିଆନାର ଖାନ୍ନାରେ ।
ଏଠାରେ ଏକ ସୁପରଫାଷ୍ଟ ଟ୍ରେନର କାବଟରେ ଜଣେ ଯୁବକ ବାହାରକୁ ବାହାରି ଷ୍ଟଣ୍ଟ ପ୍ରଦର୍ଶନ କରୁଥିଲେ । ଏହାପରେ ଯୁବକ ଜଣକ ଏକ ପୋଲ୍ ସହ ଧକ୍କା ଖାଇ ବାହାରକୁ ଛିଟିକି ପଡିଥିଲେ ।
ଯାହା ଦ୍ଵାରା ଘଟଣାସ୍ଥଳରେ ଯୁବକଙ୍କ ଯନ୍ତ୍ରଣାଦାୟକ ମୃତ୍ୟୁ ଘଟିଥିଲା । ଚାଭା ରେଳ ଷ୍ଟେସନ ନିକଟରେ ଏହି ଘଟଣା ଘଟିଛି, ଯାହାର ଭିଡିଓ ମଧ୍ୟ ସାମ୍ନାକୁ ଆସିଛି ।
ଏହି ଦୁର୍ଘଟଣାର ତଦନ୍ତ କରୁଥିବା ରେଳ ପୋଲିସ ଅଧିକାରୀ କୁଲୱନ୍ତ ସିଂ କହିଛନ୍ତି ଯେ ଟ୍ରେନରୁ ଖସି ପଡ଼ିବା ପରେ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିବା ଷ୍ଟେସନ ମାଷ୍ଟର ସୂଚନା ଦେଇଛନ୍ତି ।
ଦେଖନ୍ତୁ ଭିଡ଼ିଓ:
ଯାଞ୍ଚ ବେଳେ ପୋଲିସ ଏକ ଭିଡିଓ ପାଇଥିଲା ଯେଉଁଥିରେ ଯୁବକ ମାଲୱା ଏକ୍ସପ୍ରେସ ଟ୍ରେନର କବାଟରୁ ଝୁଲୁଥିବା ଦେଖିବାକୁ ମିଳିଛି । ଯୁବକ ଜଣକ ଏକ ଫିଲ୍ମ ଷ୍ଟଣ୍ଟ କରୁଥିଲେ ।
ଏହି ସମୟରେ ଯୁବକ ଜଣକ ସିଗନାଲ ପୋଲ ସହିତ ଧକ୍କା ହୋଇ ତଳେ ପଡ଼ିଯାଇ ଘଟଣାସ୍ଥଳରେ ମୃତ୍ୟୁ ବରଣ କରିଥିଲେ । ମୃତକଙ୍କ ପରିଚୟ ମିଳିପାରି ନାହିଁ । ମୃତଦେହକୁ ପୋଲିସ ପୋଷ୍ଟମର୍ଟମ କରିସାରିଛି ।