ଓଡ଼ିଆ ଗସିପ୍ ବ୍ୟୁରୋ: ଆଫଗାନିସ୍ତାନରେ ତାଲିବାନୀ ରାଜ ପରେ ସେଠାକାର ଅବସ୍ଥା ଏବେ ବିଗିଡିବାରେ ଲାଗିଛି । ଆପଗାନିସ୍ତାନରେ ଔପଚାରିକ ଭାବେ ଏବେ ତାଲିବାନୀ ସରକାର ଗଠନ ହୋଇନାହିଁ, କିନ୍ତୁ ତାଲିବାନୀ ନିଜର ରଙ୍ଗ ଦେଖେଇବା ଆରମ୍ଭ  କରିଦେଇଛନ୍ତି ।

ତାଲିବାନୀ ଆତଙ୍କବାଦୀମାନେ ନିଜ ନିଜର ହରକତ ଆରମ୍ଭ କରିଦେଇଛନ୍ତି । ଏମିତି ସମୟରେ ଏକ ଚାଞ୍ଚଲ୍ୟକର ଖବର ସାମ୍ନାକୁ ଆସିଛି । ଏଠାକାର ଏକ ସ୍ଥାନୀୟ ଗାର୍ଲସ ସ୍କୁଲର ସଂସ୍ଥାପକ ସମସ୍ତ ଛାତ୍ରୀଙ୍କ ଦରକାରୀ କାଗଜପତ୍ର ଜାଳି ପୋଡ଼ି ନଷ୍ଟ କରିଦେଇଛନ୍ତି ।

ପ୍ରକୃତରେ ଏହି ଘଟଣା ଆଫଗାନିସ୍ତାନର ଏକ ଗାର୍ଲ ସ୍କୁଲର ଅଟେ । ଗାର୍ଲସ ସ୍କୁଲର ସଂସ୍ଥାପକଙ୍କ କହିବା କଥା ତାଙ୍କ ଡର ଯେ, ଏହି ସବୁ କାଗଜ ପତ୍ର ଏବଂ ଛାତ୍ରୀଙ୍କ ଡାଟା ତାଲିବାନ୍ ହାତରେ ନ ଲାଗୁ । ଏଥିପାଇଁ ଏହି ସବୁ କାଗଜପତ୍ରକୁ ସେ ନିଆଁର ମୁହଁରେ ଫିଙ୍ଗି ଦେଇଥିବା କହିଛନ୍ତି । ଏମିତି କରିବା ଦ୍ୱାରା ତାଲିବାନୀଙ୍କଠାରୁ ଛାତ୍ରୀ ଏବଂ ସେମାନଙ୍କ ପରିବାରଙ୍କୁ ସୁରକ୍ଷିତ ରଖାଯାଇପାରିବ । ଗାଲର୍ସ ସ୍କୁଲର ସଂସ୍ଥାପକ ଶାବନା ଓ୍ୱସିଜ୍ ରାସିଖ୍ ଏକ ଟ୍ୱିଟ୍ କରି ଏହି ସୂଚନା ଦେଇଛନ୍ତି ।

 

ସେ ଆଗକୁ ଯାଇ ଏହା ବି ଲେଖିଛନ୍ତି ଯେ, ଯାହାଙ୍କ ପାଖରେ ବାହାରକୁ ବାହାରିବାର କୌଣସି ରାସ୍ତା ନାହିଁ, ସେମାନଙ୍କ ପାଇଁ ନିବେଶ କରିବାର ନିଆଁ ମୋ ଦେହରେ ଅଧିକରୁ ଅଧିକ ତାଜା ହେବାରେ ଲାଗିଛି । ମୁଁ, ମୋର ସମସ୍ତ ବିଦ୍ୟାର୍ଥୀ ସୁରକ୍ଷିତ ରହିଛନ୍ତି । ଏବେ ବି କିନ୍ତୁ ଅନେକ ଏମିତି ଅଛନ୍ତି ଯେଉଁମାନେ ନିଜକୁ ସୁରକ୍ଷିତ ମଣୁନାହାନ୍ତି । ଯେଉଁମାନେ ନିଜକୁ ସୁରକ୍ଷିତ ମଣୁନାହାନ୍ତି ମୁଁ ସେମାନଙ୍କ ଲାଗି ଚିନ୍ତିତ ବୋଲି କହିଛନ୍ତି । ମୋର ଧ୍ୟାନ ମୋର ଛାତ୍ରୀଙ୍କ ସୁରକ୍ଷା ପାଇଁ ବୋଲି କହିଛନ୍ତି ଗାର୍ଲସ ସ୍କୁଲର ପ୍ରତିଷ୍ଠାତା । ଆଉ ଏହି ପ୍ରସଙ୍ଗରେ ମୁଁ ଅଧିକ କିଛି କହିବି ନାହିଁ ବୋଲି ସେ ଉଲ୍ଲେଖ କରିଛନ୍ତି । 

କହି ରଖୁଛୁ ଯେ, ତାଲିବାନର କବଜା ପରେ ଆଫଗାନିସ୍ତାନର ସ୍ଥିତି ବିଗିଡ଼ିଛି । ଦିନକୁ ଦିନ ସ୍ଥିତି ଅତି ଖରାପ ଆଡ଼କୁ ଗତି କରୁଛି । ଆମେରିକା ସମେତ ବିଶ୍ୱର ଅନେକ ରାଷ୍ଟ୍ରର ଲୋକେ ଆଫଗାନିସ୍ତାନରୁ ସୁରକ୍ଷିତ ନିଜ ନିଜ ଦେଶକୁ ଫେରିବାକୁ ଚାହୁଁଛନ୍ତି । ଏଥିପାଇଁ ସଂପୃକ୍ତ ଦେଶର ସେନା ବି କାବୁଲରେ ପହଞ୍ଚି ବିମାନ ବନ୍ଦରକୁ ସୁରକ୍ଷା ଯୋଗାଉଛି । ଆଉ ଏମିତି ସମୟରେ ଏକ ଭିଡିଓ ବେଶ୍ ଭାଇରାଲ ହେଉଛି ଯେଉଁଥିରେ ଜଣେ ପୋଲିସ ମୁଖ୍ୟଙ୍କୁ ତାଲିବାନୀମାନେ ସର୍ବସମ୍ମୁଖରେ ଫାଶୀରେ ଝୁଲାଇ ହତ୍ୟା କରୁଛନ୍ତି । ହତ୍ୟାର ଏହି ଭିଡିଓ ଏବେ ବେଶ୍ ଭାଇରାଲ ହେଉଛି ।..