ଚୀନ୍ ରେ WION ଚ୍ୟାନେଲର ପ୍ରସାରଣ ଉପରେ ରୋକ ଲଗଲାଇଲେ ସରକାର, ଜବାବ ଦେଲା ଚ୍ୟାନେଲ୍

ଓଡ଼ିଆ ଗସିପ୍ ବ୍ୟୁରୋ: ସୀମା ବିବାଦ ଏବେ ସାଟେଲାଇଟ ଉପରେ ପଡ଼ିଛି । ସୀମାରେ ଭାରତୀୟ ସେନାକୁ ନଜର ଆନ୍ଦାଜ କରୁଥିବା ରେଡ୍ ଆର୍ମୀ ସେନାର ପ୍ରକୃତ ଶକ୍ତି ସହ ପରିଚିତ ହେଲା ପରେ ଏବେ ଭୟଭିତ ଚୀନ୍ । ଆଉ ଏଥିପାଇଁ ଚୀନ୍ ର ଚାଲାକିକୁ ପର୍ଦ୍ଦାଫାସ କରୁଥିବା ଏକ ଭାରତୀୟ ଟିଭି ଚ୍ୟାନେଲର ପ୍ରସାରଣ ଉପରେ ରୋକ ଲଗାଇଛି ଚୀନ୍ ସରକାର ।

ନୂଆଦିଲ୍ଲୀରୁ ପ୍ରସାରଣ ହେଉଥିବା ୱିଅନ (WION) ଚ୍ୟାନେଲ ଓ ଏହାର ୱେବପୋର୍ଟାଲକୁ ମେନ୍ ଲାଣ୍ଡ ଚାଇନାରେ ବ୍ୟାନ କରିଛି ଜିନପିଙ୍ଗ ସରକାର । ଭାରତ ସରକାର ଚାଇନିଜ୍ ଆପ୍ ସବୁକୁ ବ୍ୟାନ କରିବାର ତିନିଦିନ ପରେ ୱିଅନ୍ କୁ ସେଠାରେ ବ୍ୟାନ କରାଯାଇଥିବା ଚ୍ୟାନେଲ ପକ୍ଷରୁ କୁହାଯାଇଛି ।

ଚ୍ୟାନେଲ ପକ୍ଷରୁ ଏହା ବି କୁହାଯାଇଛି ଯେ, ଚୀନ୍ ର ଭାରତ ବିରୋଧୀ ଷଡ଼ଯନ୍ତ୍ରର ଖୁଲାସା କରିବାରୁ ଚୀନ୍ ଆକ୍ରୋଶମୂଳକ ଭାବେ ଏଭଳି କାଣ୍ଡ ଭିଆଇଛି । ବାରମ୍ବାର ଚୀନ୍ ର ଚାଲାକିକୁ ପର୍ଦ୍ଦାଫାସ କରୁଥିଲା ଏହି ଭାରତୀୟ ନ୍ୟୁଜ୍ ଚ୍ୟାନେଲ ୱିଅନ ।

ଚ୍ୟାନେଲ ପକ୍ଷରୁ ଏହା ବି କୁହାଯାଇଛି ଯେ, କରୋନା ମହାମାରୀରେ ଚୀନ୍ ର ସନ୍ଦେହ ଜନକ ଭୂମିକାକୁ ନେଇ ବାରମ୍ବାର ଖବର ପ୍ରସାରଣ ହେଉଥିଲା ଆଉ ଏହା ମଧ୍ୟ ବ୍ୟାନର ଏକ ପ୍ରମୁଖ କାରଣ ହୋଇପାରେ । କାହିଁକିନା ଚୀନ୍ ର ଉହାନ ପ୍ରାନ୍ତରୁ ବିଶ୍ୱକୁ ବ୍ୟାପିଥିବା ମହାମାରୀ କରୋନା ଏକ ଜୈବିକ ଅସ୍ତ୍ର ଯାହା ଚୀନ୍ ଦ୍ୱାରା ହିଁ ବିକଶିତ ହୋଇଥିବା ଆମେରିକା ସମେତ ଅନେକ ରାଷ୍ଟ୍ର ଦାବି କରୁଛନ୍ତି ଏବଂ ଚୀନ୍ ଏହାକୁ ବାରମ୍ବାର ଖଣ୍ଡନ କରିଆସୁଛି ।

ଜୁନ୍ ମାସରେ, ଗ୍ଲୋବାଲ୍ ଟାଇମ୍ସରେ WION ଚ୍ୟାନେଲକୁ “ନିରପେକ୍ଷ ଭାବରେ ଚିନ୍ତା କରିବାକୁ” ଏକ ଆଲେଖ୍ୟରେ କୁହାଯାଇଥିଲା । ସୂଚନା ଥାଉ କି ଗ୍ଲୋବାଲ ଟାଇମ୍ସ ହେଉଛି ଚୀନ୍ ର ସରକାରୀ କାଗଜପତ୍ର । ଯାହା ବେଜିଂର ପ୍ରଚାର ଯନ୍ତ୍ର ପାଲଟିଛି ।

ଭାରତୀୟ ଗଣମାଧ୍ୟମର କଣ୍ଠରୋଧକୁ କିନ୍ତୁ ବିଭିନ୍ନ ସ୍ତରରେ ଚୀନ୍ କୁ ସମାଲୋଚନା କରାଯାଇଛି । ବିଶେଷ କରି ସୋସିଆଲ ମିଡିଆରେ ଚୀନ୍ ବିରୋଧରେ ଅନେକ ନିଜର ପ୍ରତିକ୍ରିୟା ରଖିଛି । ଚୀନ୍ ରେ ବ୍ୟାନ ହୋଇଥିବା WION ଚ୍ୟାନେଲ ମଧ୍ୟ ଚୀନ୍ ଦ୍ୱାରା ବ୍ୟାନ ହୋଇଥିବାରୁ ଏହା ଏକ ବିଜୟ ବୋଲି ମାନୁଛି । ଏନେଇ ଚ୍ୟାନଲେ ଟ୍ୱିଟର ପେଜ୍ ର ବାୟୋରେ ମଧ୍ୟ (Proud to be banned by China) ବୋଲି ଉଲ୍ଲେଖ କରିଛନ୍ତି ।

ସମଗ୍ର ବିଶ୍ୱ କରୋନା ମହାମାରୀ ସହ ଏକ ପ୍ରକାରର ଯୁଦ୍ଧ ଲଢୁଛି । ମହାମାରୀର ଉତ୍ପତ୍ତିସ୍ଥଳ କୁହାଯାଉଥିବା ଚୀନ୍ କିନ୍ତୁ ପଡ଼ୋଶୀ ଭାରତ ସହ ମୁହାଁମୁହିଁ ହେଉଛି । ସୀମା ବିବାଦକୁ ନେଇ ଦୁଇ ଦେଶର ସୈନ୍ୟମାନେ ହାତାହାତି ହୋଇଥିବାବେଳେ ଏଥିରେ ଚୀନର ୪୩ ଜଣ ଓ ଭାରତର ୨୦ ଜଣ ଯବାନ ପ୍ରାଣ ହରାଇଛନ୍ତି । ଚୀନ୍ କିନ୍ତୁ ନିଜ ଭୁଲ୍ ମାନିବାକୁ ନାରାଜ ।