ଅବ କି ବାର୍ 80 ପାର୍, ଦେଶରେ ଅମୂଲ ମୂଲ ତୈଳ ଦର

ଓଡ଼ିଆ ଗସିପ୍ ବ୍ୟୁରୋ: ବିଶ୍ୱ ବଜାରରେ ଅଶୋଧିତ ତୈଳ ଦର ଅହେତୁକ ହ୍ରାସ ପାଇଛି । ଦେଶରେ କିନ୍ତୁ ଲିଟର ପିଛା ଉଭୟ ପେଟ୍ରୋଲ ଓ ଡିଜେଲ 80ଟଙ୍କା ପାର୍ କଲାଣି । କହିବାକୁ ଗଲେ ଏବେ ତେଲ ବଜାରରେ ସତେ ଯେମିତି ନିଆଁ ଲାଗିଛି । ସରକାରଙ୍କ ନିୟନ୍ତ୍ରଣ ବାହାରକୁ ଚାଲି ଗଲାଣି ତୈଳ ଦର । 20 ଦିନରେ 10ଟଙ୍କାରୁ ଅଧିକ ବଢ଼ିଲାଣି ପେଟ୍ରୋଲ ଓ ଡିଜେଲ ।

ତୈଲଦର ବୃଦ୍ଧି ଯୋଗୁଁ ସାଧାରଣ ଲୋକମାନେ ନାହିଁନଥିବା ଅସୁବିଧାର ସାମନା କରୁଛନ୍ତି । ତେବେ ଆମେ ମାନେ ପ୍ରଥମେ ଜାଣିରଖିବା ଆବଶ୍ୟକ ରହିଛି ଯେ, ଦେଶରେ କାହିଁକି ତୈଳ ଦର ବୃଦ୍ଧି ହେଉଛି ।

ମିଳିଥିବା ସୂଚନା ଅନୁସାରେ, କେବଳ ଶିଳ୍ପକମ୍ପାନୀ ମାନଙ୍କ ପାଇଁ ଦେଶରେ ଏପରି ଭାବରେ ତୈଳ ଦର ବୃଦ୍ଧି ହେଉଛି । ଭାରତୀୟ ତୈଳ କମ୍ପାନୀଗୁଡିକ ଦରଦାମ ସ୍ଥିର କଲାପରେ ଆଜିକା ଦିନରେ ପେଟ୍ରୋଲ ଓ ଡିଜେଲ ଦର ଏପକରି ଭାବରେ ବଢିବା ପଛରେ ସବୁଠାରୁ ବଡ କାରଣ ରହିଛି ଟ୍ୟାକ୍ସ । ରାଜ୍ୟ ଓ କେନ୍ଦ୍ର ସରକାର ଯେପରି ଭାବରେ ଟ୍ୟାକ୍ସ ଲଗାଇଛନ୍ତି ସେହି କାରଣରୁ ଏପରି ଭାବରେ ଦେଶରେ ତୈଳଦର ବୃଦ୍ଧି ହୋଇଥିବା ସୂଚନା ମିଳିଛି ।

ଏପରିକି ସୂଚନାଯୋଗ୍ୟ ଯେ, ଅନ୍ତର୍ଜାତୀୟ ତୈଳ ବଜାରରେ ଅଶୋଧିତ ତୈଳ ମୂଲ୍ୟ ହ୍ରାସ ପାଇଥିଲା । କିନ୍ତୁ ଭାରତରେ ଏହାର କୌଣସି ଲାଭ ସାଧାରଣ ଗ୍ରାହକ ଏହାର ଲାଭ ପାଇନଥିଲେ । ଯେତେବେଳେ ଅଶୋଧିତ ତୈଳମୂଲ୍ୟ ବହୁତ କମ ଥିଲା, ସେତେବେଳେ ସରକାର କର ବଢାଇ ଦେଇଥିଲେ । ଏହାଦ୍ୱାର ପେଟ୍ରୋଲିୟମ କଂପାନୀଙ୍କୁ କିଛି ମଧ୍ୟ ଲାଭ ମିଳିନଥିଲା । ଏବେ ଗୋଟିଏ ମାସ ମଧ୍ୟରେ ଅଶୋଧିତ ତୈଳଦର ଦୁଇଗୁଣ ବଢିଛି । ତେଣୁ ପେଟ୍ରୋଲିୟମ କଂପାନୀ ନିଜ ଫାଇଦ ପାଇଁ ଦର କ୍ରମାଗତ ଭାବେ ବଢାଇ ଚାଲିଛନ୍ତି ।

ସେପଟେ ରାଜ୍ୟରେ ଆଳୁ, ପିଆଜ ଭଳି ଅତ୍ୟାବଶ୍ୟକ ସମାଗ୍ରୀ ପର୍ଯ୍ୟାପ୍ତ ପରିମାଣରେ ମହଜୁଦ ଥିଲେ ମଧ୍ୟ ଡ଼ିଜେଲ ଦରରେ ବୃଦ୍ଧି ଯୋଗୁଁ ବଜାରରେ ସମାଗ୍ରୀର ଦର ବଢୁଛି । ତେବେ ଏହା ଉପରେ ଖାଦ୍ୟ ଯୋଗାଣ ବିଭାଗ ନଜର ରଖିଛି ବୋଲି ମନ୍ତ୍ରୀ କହିଛନ୍ତି । ବିଭାଗ ସମ୍ପୂର୍ଣ୍ଣ ସଜାଗ ରହିଛି ଏବଂ ଆବଶ୍ୟକ ହେଲେ କଳାବଜାରୀଙ୍କ ଉପରେ ଚଢାଉ କରାଯିବ ବୋଲି ବିଭାଗୀୟ ମନ୍ତ୍ରୀ କହିଛନ୍ତି ।