ପତ୍ନୀଙ୍କୁ କରୋନା ପଜିଟିଭ କହି ସ୍ୱାମୀ ନିଖୋଜ, ଦୁଇମାସ ପରେ ଗାର୍ଲଫ୍ରେଣ୍ଡ ସହ ଧରାପଡିଲେ, ପୁରା କାହାଣୀ କିଛି ଏପରି…

0 291

ଓଡ଼ିଆ ଗସିପ୍ ବ୍ୟୁରୋ: ‘ମୋତେ କରୋନା ପଜିଟିଭ ହୋଇଛି । ମୁଁ ଆଉ ବଞ୍ଚିବି ନାହିଁ ।’ ପତ୍ନୀଙ୍କୁ ଏତକ ଫୋନ୍‌ରେ କହି ସ୍ୱାମୀ ନିଖୋଜ ହୋଇଗଲେ । କିନ୍ତୁ ଦୁଇମାସ ପରେ ଗାର୍ଲଫ୍ରେଣ୍ଡ ସହ ଧରାପଡିବା ଘଟଣା ଚର୍ଚ୍ଚାର ବିଷୟ ହୋଇଛି ।

ଏଭଳି ଏକ ଘଟଣା ଦେଖିବାକୁ ମିଳିଛି ମହାରାଷ୍ଟ୍ରର ନଭି ମୁମ୍ବାଇ ଅଞ୍ଚଳରେ । ଏସିପି ବିନାୟକ ଭଟ୍‌ସଙ୍କ ସୂଚନା ଅନୁସାରେ ନଭି ମିମ୍ବାଇ ଅଞ୍ଚଳରେ ରହୁଥିବା ୨୮ ବର୍ଷୀୟ ଜଣେ ଯୁବକ ଜୁଲାଇ ୨୪ ତାରିଖ ରାତିରେ ପତ୍ନୀଙ୍କୁ ମୋବାଇଲରେ ଫୋନ୍ କରିଥିଲେ ।

କହିଥିଲେ ସେ ତାଙ୍କର କରୋନା ଟେଷ୍ଟ କରାଇଥିଲେ । ଆଉ ବଞ୍ଚିବେ ନାହିଁ । ତେବେ ପତ୍ନୀ ତାଙ୍କୁ କିଛି ପଚାରିବା ପୂର୍ବରୁ ସେ ହଠାତ୍ ଫୋନ୍ କାଟି ଦେଇଥିଲେ । ଏହାପରେ ଆଉ ତାଙ୍କର ଦେଖା ମିଳିନଥିଲା । ତାଙ୍କ ମୋବାଇଲ ଫୋନ୍ ମଧ୍ୟ ସୁଇଚ୍ ଅଫ୍ ହୋଇଯାଇଥିଲା ।

ପତ୍ନୀ ବ୍ୟସ୍ତ ହୋଇ ଘଟଣା ସମ୍ପର୍କରେ ତାଙ୍କ ଭାଇଙ୍କୁ ଜଣାଇଥିଲେ । ଶେଷରେ ସେମାନେ ଥାନାରେ ଏକ ନିଖୋଜ ମାମଲା ରୁଜୁ କରିଥିଲେ । ଦୁଇଦିନ ପରେ ସମ୍ପୃକ୍ତ ଯୁବକଙ୍କ ବାଇକ୍‌, ଚାବି, ହେଲମେଟ୍ ଓ ବ୍ୟାଗ୍ ଭାସିର ସେକ୍ଟର-୧୭ ଅନ୍ତର୍ଗତ ରୋଡ୍‌ରୁ ମିଳିଥିଲା । କିନ୍ତୁ ଯୁବକଙ୍କ ବିଷୟରେ ପୁଲିସକୁ କୌଣସି ସୂଚନା ମିଳିନଥିଲା ।

ଅଭିଯୋଗ ମିଳିବା ପରେ ପୁଲିସ ଧିରେ ଧିରେ ତଦନ୍ତକୁ ଆଗେଇ ନେଇଥିଲା । ସମ୍ପୃକ୍ତ ଯୁବକଙ୍କ ବାଇକ ମିଳିଥିବା ସ୍ଥାନ ଓ ତାର ଆଖପାଖରେ ଲାଗିଥିବା ସିସିଟିଭି ଫୁଟେଜକୁ ପୁଲିସ ଯାଞ୍ଚ କରିବା ସହ ତାଙ୍କ ମୋବାଇଲକୁ ଟ୍ରାକ୍ କରିବା ଲାଗି ପ୍ରୟାସ କରିଥିଲା ।

ମୋବାଇଲ କଲ୍ ଡିଟେଲ୍ସରୁ ପୁଲିସ ଜାଣିବାକୁ ପାଇଥିଲା ଯେ ପତ୍ନୀଙ୍କୁ ଫୋନ୍ କରିବା ପରେ ଯୁବକ ଜଣକ ଜରୁରୀ ଟେଲିଫୋନ୍ ନମ୍ବର ୧୦୦କୁ ଦୁଇଥର ଡାଏଲ କରିଥିଲେ । ତେଣୁ ପୁଲିସ ଡକାୟତି କିମ୍ବା ପୂର୍ବ ଶତ୍ରୁତା ଥିବା ନେଇ ସନ୍ଦେହ କରିଥିଲା ।

ତଦନ୍ତ ଆଗକୁ ବଢ଼ିବା ପରେ ପୁଲିସ ସମ୍ପୃକ୍ତ ଯୁବକଙ୍କ ଅନ୍ୟ ଜଣେ ଯୁବତୀଙ୍କ ସହ ସମ୍ପର୍କ ରହିଥିବା ଜାଣିବାକୁ ପାଇଥିଲା । ତେଣୁ ପୁଲିସ ସେହି ଦିଗକୁ ନେଇ ତଦନ୍ତ କଲା । ଶେଷରେ ସମ୍ପୃକ୍ତ ଯୁବକ ନିଜ ଗାର୍ଲଫ୍ରେଣ୍ଡ ସହ ଇନ୍ଦୋରରେ ରହୁଥିବାର ପୁଲିସ ଜାଣିବାକୁ ପାଇଥିଲା ।

ପୁଲିସର ଏକ ଟିମ୍ ସେଠାରେ ପହଞ୍ଚି ଉଭୟ ଯୁବକ ଓ ତାଙ୍କ ଗାର୍ଲଫ୍ରେଣ୍ଡକୁ ଗତ ସେପ୍ଟେମ୍ବର ୧୫ ତାରିଖରେ ନଭି ମୁମ୍ବାଇକୁ ଆଣିଥିଲା ।

Leave A Reply

Your email address will not be published.